මේක මගේ නිර්මාණයක් නෙවෙයි.
නම නොදන්නා කවුරැන් හෝ විසින් සටහන් කරලා මට එවා තිබූ ඊ මේල් පණිවුඩයක්.
මට හිතුනා මෙය මෙහි සටහන් කළ යුතුයි කියලා
@@@@@@@@@@@@@@@@@@@@@@@@@@@
වන්නියේ යුධ අගල් තුල
කදු ගැසෙන යොවුන් විය මත
නියගලා මල් පි‍පෙයි
එක යායට
ඊසාන මෝසමේ බීරැමෙන්
වෙන් කෙරැණාට
උතුරේ කදුලු දකුණින්
තෙත බරිත ලේ සුවද හමනවා
වැස්සට දෙස් තියන
අහසට හූල්ලන
හාරිස්පත්තුවේ
අගුනකොළ පැලැස්සේ
බුලත්කොහුපිටියේ
අම්මලාගේ නැහැ සිදුරැ විනිවිද
ගැඹුරැ හද පතුලටම
කිලිනොච්චියේ
වර්ග කිලෝමීරටයක්
සිංහල බුක්තියට හරවන්න
යසවතීගේ කොලුවා ඇද වැටුනා
තවත් සිය ගාණක් එක්ක
ඔල්වරසන් නගන
රෑපවාහිනියවත් දන්නෑ
වැලලෙන්න බිම් අගලක් නැති වග
උපතින්ම සිංහල
ඒ කොලු ගැටවුන්ට
වගේ වගක් නැති කොළඹ
සවුදිය පුරනවා
අලුත් අවුරැද්දට
පෙන දදා උතුරද්දි කිරි මුට්ටි
කොළඹ
කිලිනොච්චියේ ගලනවා
පෙරදාක කිරිකර පෙවුන
ලේ කදුළු
සිංහල ද දෙමළ
සොයාගත නොහැකි වෙන්කර
ජීවිතේ මල්
යුද්ධෙ තියෙනකල්
දියවන්නාවට නැවුණු
වැටකෙයියා අත්තක ඉදන්
කපුටෙක් කියනවා
සිංදුවක්
No comments:
Post a Comment
ඔබේ හිතට නැගෙන අදහස් මට ඉතාමත්ම වැදගත්. අපිට දිරි දෙන්නේ ඔබයි මිතුරනේ.